2017年5月10號。 泰美科技好消息一浪接一浪, 泰美科技20週年Party岩岩先完滿結束，我地就已經推出左第一個重頭項目。前日，泰美科技好榮幸可以去到由創意創業會同創意香港合辦既跨產業【創】+【造】配對計劃-新聞發佈會暨工作坊，並同一班設計師講解如何利用科技去進行Crossover。政府近年積極鼓勵Crossover文化，相信透過品牌與品牌之間既合作，可以為創意創業帶來正面既衝擊，呢個理念正正同泰美科技既方針不謀面合，泰美科技一直以來都好支持跨產業【創】+【造】配對計劃，今次更加好榮幸可以為計劃建立左一個配對平台Crossover Products Creation Platform 。透過平台，設計師可以自由將佢地既設計產品上傳到平台，公眾若然對果樣設計產品有興趣，更加可以上傳自己既設計同設計師既產品進行Crossover，仲可以即刻預覽結果添，設計師以後就唔洗煩惱點樣去同人講解自己既設計點樣同人進行Crossover啦！呢個平台推出後，相信會幫到各位設計師一個大忙！因此，前日一眾既設計師似乎都對個平台好興趣，紛紛舉手問問題，Daisy 都一一解答左佢地既問題，無黎既朋友，如果對個平台都有興趣，可以到http://cpcp.crossmatchingshowcase.com註冊成為會員！並且留意我地下一個Post既功能簡介啦! ＃創意創業會 ＃創意香港 ＃創造 ＃配對計劃 ＃新聞發佈會暨工作坊 ＃ＣＰＣＰ ＃Crossover